Sheath and Knife

1. There was a sister and her brither
   The sun gaes tae oot owre the wood
   Wha maist entirely loved each other
   God, gif we had never been sib.

Similarly:
2. Sister, we'll gang tae the broom
O sister, I would lay thee doon.

3. Brither, alas, would ye dae sae?
   I sooner would my deith gang tae.

4. A' the folk they talk through ither
   That the lass is wi' bairn to her brither.

5. O, brither ye hae done me ill
   And we will baith burn on yon hill.

6. Ye'll gang tae my faither's stable
   And tak' twa horses stout and able.

7. She's up on the white horse, he's on the black
   Wi' his yew-tree bow slung fast tae his back.

8. They hadnae rode a mile but ane
   E'er her pains they did come on.

9. I would gie a' my faither's land
   For a good midwife at my command.

10. Ye'll gang to yon hill sae high
    And tak' your bow and arrows wi' ye.

11. When ye hear my loud, loud cry
    Bend your bow and let me die.

12. When he heard her loud, loud cry
    He bent his bow and let her die.

13. When he cam' tae her beside
    The babe was born, the lady deid.

14. Then he has ta'en his young, young son
    And borne him tae a milk-woman.

15. He's gien himsel' a wound fu' sair
    We'll never gang to the broom nae mair.

16. O mither, I hae tint my knife
    I lo'ed it better than my life.

17. But I hae tint a better thing
    the bonnie sheath my knife was in.

18. Is there no' a cutler intae Fife
    That could mak' to thee a better knife?

19. There's no' a cutler in a' the land
    Could mak' sic a knife tae my command.

Notes

This version from notes to Blood and Roses, Vol 5, according to: http://www.mudcat.org/thread.cfm?threadid=48317
Version in Mudcat looks like phonetic guess: http://www.mudcat.org/@displaysong.cfm?SongID=5282